LOS ANGELES, Marekani
Vazi la ovaroli alilovaa Amber Rose kwenye maandalizi ya kipindi chake cha televisheni lilizua minong’ono mtandaoni kwa jinsi lilivyodizainiwa pamoja na kiatu alichomecheshia.
Mwanamitindo huyo alionekana mtaani akiwa hana hili wala lile kwani aliendelea kufanya shughuli zake na baada ya hapo alikutana na mpenzi wake Terrence Ross kwenye kibanda cha Ice Cream akiwa na mtoto wake Sebastian.
Watu waliomuona Amber walivutiwa na muonekano wake kwani alikuwa kavaa kihuni lakini ikawa ni staili yake ambayo kwa wapenda mitindo waliuona kama mtindo mpya.
Amber amekuwa haishiwi vituko kwani juzikati yeye na aliyekuwa mume wake, Wiz Khalifa waliyefunga ndoa mwaka 2013 na kuanza maandalizi ya talaka mwaka 2014, walisherehekea talaka yao kwenye klabu moja huko Los Angeles baada ya kukubaliana kuachana na kulea mtoto kwa staili ya kila mmoja kutoa matunzo.
Sign up here with your email