MTOTO wa Rais Mstaafu wa Zanzibar,
Salmin Amour aitwaye Amini Salmin,
Februari 14 mwaka huu alinaswa akipima
Ugonjwa wa Ukimwi ‘ngoma’ katika kituo
cha ushauri nasaa cha AMREF Makao Makuu
kilichopo Upanga, jijini Dar, Amani linakujuza.
Mwandishi wetu alimshuhudia Amini akiwa
katika kituo hicho kupima ugonjwa huo katika
siku hiyo ambayo huadhimishwa kama Siku ya
Wapendanao ‘Valentine’s Day’ ili kutaka kujua
afya yake na kuwa tayari majibu yake yawekwe hadharani.
Hata hivyo, baada ya vipimo na kutakiwa
kusubiri majibu, Amini alionekana kuwa
mnyonge na mwenye mawazo mengi ingawaje
aliweza kujifariji kwa kuangalia runinga iliyopo
katika chumba cha kusubiria majibu.
Alipoitwa kwenda kupatiwa majibu yake
alijikuta akijikwaa zaidi ya mara tatu na
alipoingia chumba cha majibu, nusura
adondoke baada ya kujikwaa tena katika
kizingiti cha mlango wa kuingia kwa daktari.
Mara baada ya kupewa majibu yake,
Amin alisema amechukua uamuzi
wa kuijua afya yake siku hiyo kwa
sababu vijana wengi huitumia kwa
ajili ya kufanya ngono katika nyumba za kulala wageni.
“Nimeamua kupima Ukimwi leo kwa sababu
vijana wengi wamepanga kukutana na
mpenzi wao kwa lengo la kufanya ngono,”
alisema Amini ambaye alionekana kuwa
na furaha baada ya kupata majibu mazuri.
Sign up here with your email